nadom hikayat nabi paras bag 1

1.       Bismillah ngawitan nulis

Hate manteng cengeng ihlas

Ka gusti anu waspaos

Nu sifat latipul khawas

Tur asih jeung mikawelas

Pupunjungan mulya mulus

Kawasa waspada nyacas

2.       Di papas dimamanis

Direka sareng dihias

Bubuka satra carios

Galur anu ditarawas

Hikayat nabi paras

Anu kagur nitah alus

Carios nu mulya kongas

3.       Dupi ayena disaln

sareng rada didangdosan

nu canggal tembangna awon

malar nambah kasenangan

kana ieu wawacan

asal pusaka karuhun

ngandung barokah jeng ganjaran

nutur galur galur nitik sari

sanes bangsa lalawora

henteu benang dijojore

mun urang embung miara

dorakana pohara

baregki ulah kaliru

maos ulah sambewara

nyalin sareng ati-ati

nganggo tata subasita

panganggo sepuh bareto

diwulang para pandita

lamun rek nyarita

nganggo patokan nu tangtu

ieu galurna carita

nalika mimiti muji

nyebat  jenenungan pangeran

nu ngawengkon alam kabeh

nu masihan rahmat nikmat

dunya mawuh aherat

si[at agung tur linuhung

kawasa murba wisesa

bada muji kayang widi

muji kanabi Muhammad

soli wasalim alaih

nu mengkon agama islam

timbalan gusti Alloh

dina Qur’an anu agung

nya kieu dawuhan nana

hey sakabeh umat kami

saha-saha anu ngampihan

sarta jeung dihade-hade

hikayat nabi paras

tangtu bakal diganjar

berkah rahmat gusti Rosul

salamet dunya akherat

jeung disalametkeun dei

dina waktu kersakarat

tat kala malakal maot

nyebut nyawa ngampihan

hikayat nabi paras

didawuhan kanjeng agung

di timbalan lalaunan

tina asihna yang widi

diraksa serta dirahmat

dipasihan umat soleh

luput tina patakonan

mugkar nakir tea

agung berkahna rosul

kakasih gusti Alloh

sakur anu mungkir ati

kana hikayatna paras

pinasti menang bebendon

jeng moal diaku ummat

tangtos Alloh benduna