nadom pamurtadan

#NADOM PAMURTADAN

Bismillah iyeu ngawitan

Alhamdulillah pujian

Rohmat salam kapanutan

Muhammad Rosul pilihan

Ba’da muji maca salam

Abdi ngaturkeun nadoman

Yakni nadom singkat pisan

Ageung maksad peringatan

Manusa jaman ayeuna

Talobeh dina hirupna

Lalawora samemena

Teu apal maksud hirupna

Nabi atos nyarioskeun

Ulamana ngajelaskeun

Anjeun kudu ngaregeupkeun

Kanu bade dihaturkeun

Wajib kajalma muslimin

Ngaraksa islam nu yakin

Ngajaga anu mufsidin

Maftuin minal haliqin

Ari nu ngaruksak islam

Nyata jumlah pamurtadan

Jumlahna teu aya lian

Tilu rupa mah sing paham

Hiji murtad patekadan

Dua murtad pagawean

Tilu murtad na ucapan

Sing sieun kana ancaman

Jalma nu ngarusak islam

Kumigawe pamurtadan

Amalna teu aya pisan

Nu tinggal kari siksaan

Anu Rohmat ngabenduan

Kana mahlukna kabehan

Hina na teu aya lian

Langgeungna dina siksaan

Ari murtad patekadan

Cabangnateh seer pisan

Ari conto nu kawitan

Mang-mangna aya pangeran

Tawa mang-mang aya rosul

Nu sifat unjul pinunjul

Mang-mang kana qur’an nuzul

Iztihad ka robul gofur

Dei mang-mang ka akherat

Kana surga tempat nikmat

Mang-mang ka poe kiamat

Ka naraka tempat laknat

Iyeu conto mah sing paham

Da surahan singkat pisan

Lamun aya kalepatan

Taroskeun ka ajeungan

Jeung ngilangkeun sifat Alloh

Anu atos muzma alaih

Berempug netepkeun nateh

Mangka kade tong talobeh