nadom subbul iman

*SUBUL IMAN

Dupi nganiatan ngaos

Seerna 4 perkawis

Hiji niat karena Alloh

Ngalakonan parentahna

Kaduana niat miceun

Ka bodoan awak abdi

Supaya janten salamet

Salamet dunya akherat

Katiluna muntos timu

Niat bade di lakonan

Dilakonan ku sorangan

Sareng sadaya rerencangan

Ka opatna niat ngaos

Ngaluluhur agami

Agamina kanjeung nabi

Nabi utusan illahi

Ari sadayana puji

Hak Alloh nu wajib hiji

Nu parantos ngajantenkeun

Iman jalma di cabangkeun

Rohmat rawuh kasalametan

Mugi tetep ka jungjunan

Nyatana nabi Muhammad

Ka kulawargi sing hapad

Ka sahabat anu mulya

Dugi ka umat sadaya

Ari iye teh nadoman

Nu disebut subul iman

Ari cabang iman sadaya

Tujuh uuh tujuh warna

Ceuk ulama geus sampurna

Mun kalampah sadayana

Kahijina iman ka Alloh

Kaduana ka Rosululloh

Ari rosul teh utusan

Ti hamba Alloh pilihan

Cabang iman katiluna

Iman ka malaikatna

Iman ka sadaya qitabna

Eta cabang ka opatna

Lima iman kana  papasten

Anu sae anu awon

Sabar pasrah tur sumerah

Rumasa diri teh lemah

Genep iman ka poe akhir

Kajadian anu matak ketir

Ruksak dunya sadayana

Awal alam aheratna

Cabang iman ka tujuhna

Ka mashur ba’as ngarana

Alloh ngahudangkeun nana

Kanu maot sadayana

Ari anu di hudangkeun

Nya sadaya a’in badan

Saba’dana eta ba’as

Kabeh jalma pada was-was

Karna cabang ka dalapan

Kabeh jalma ngarandapan

Panggiringna malaikat

Kana maokif teu lepat

Ka salapan na ngimankeun

Panempatan jalma mu’min

Hiji tempat anu langgeung

Paparin robul a’lamin

Kamashur zannah ngarana

Surga harti di sundana

Sabalikna tempat kafir

Naraka nu matak ketir