nadom pepeling 2

nadom ini menggambarkan perjalanan akhir kehidupan setiap kita saat ajal menjemput saat mengalami sakit dan menakutkanya sakaratul maut, dan penyesalan akan amal yang tidak sempurna.

*PEPELING

Hayu gera saradia

Mempeng keur hirup di dunya

Amal keur sampereun jaga

Di akherat mual sulaya

Geuning maot ngadodoho

Borosok di poho-poho

Datangna teu mere nyaho

Ngagerentak taya tempo

Taya beurang taya peuting

Taya raja taya kuring

Dimana ajal geus sumping

Teu meunang tempo anaking

Horeng nyawa rejeung badan

Nu geus lila babarengan

Datang  mangsa pipisahan

Paturai tina amitan

Lain mereun lain sugan

Da iyeu mah kenyataan

Kabeh pasti ngarandapan

Gening awak urang pisan

Kaget rewas matak merong

Renghap ranjug mungguh bingung

Napas ngangsrek ngagenggerong

Nu dekeut geus teu katembong

Horeng iyeu teh sakarat

Dicabutku malaikat

Nyawa ngangsrek mapai urat

Taya daya pikeun lumpat

Ku renghapna pangenggesan

Pegat sagala hareupan

Ngabebengkang teu dayaan

Rek kumaha pangenggeusan

Boroma keur suka beutah

Ngajur nafsu seuri bungah

Beak waktu pikeun pindah

Menuju ka alam barjah

Geus waktuna ninggalkeun lembur

Menuju ka alam kubur

Menang ngali geus di ukur

Mahi keur awak sakujur

Rek naon anu dibawa

Naha duit raja kaya

Menang ngumpul-ngumpul tea

Belaan nipu pasea

Menang ti sruk-sruk ti dung-dung

Nu sok di pake adigung

Kana solat matak linglung

Waktuna zakatmah suwung

Ibadah ka toler-toler

Nepi ka nyangirah ngaler

Laku badan enggeus komper

Di tengah imah ngagoler

Najopong di rurubutan

Nepi ka nyalirang ngaler

Laku badan enggeus komper

Ngarumas nyandak kasusah

Lawang amal geus di tutup

Hanjakal keur waktu hirup

Takangke bet henteu sanggup

Padahal waktumah cukup

Paingan Rosul ngelingan

Dunyaa mah pangumbaraan

Naha bet kamalinaan

Hanjakal teu nyubadanan

Ati ngerik pikir bingung

Imah tiis pikeun suwung

Ngan anak yatim ngariung

Ting barisik ting baraung

Abong poe panganggeusan

Mana beurat rek amitan

Lur imah lur pakarang

Gewatkeun loyak ngantosan

Pasaran mendung dipayung

Ti luhur di lurub sarung

Nu ngiringkeun semu muyung

Nangkeup dada singkuyungkung

Ngalet ngangkel ngabandalet

Beuki dekeut-beuki dekeut

Poek rupek jeung teu genah

Ngarumah nyandak kasusah

Ahli sobat ngawawuhan

Teu toleh ganjang bubaran